Յուրա Մովսիսյանը 2 գոլ զիջեց Պրեմյեր լիգայի լավագույն ռմբարկուին

20:44   15 մայիսի, 2014

Մոսկվայի ԲԿՄԱ-ի կոտդիվուարցի հարձակվող Սեյդու Դումբիան ճանաչվեց ֆուտբոլի Ռուսաստանի 2013/2014թթ․ առաջնության լավագույն ռմբարկու։

Պրեմյեր լիգայի ավարտված մրցաշրջանում Կոտ դ՛Իվուարի հավաքականի ֆուտբոլիստը խփեց 18 գոլ։ 2-3-րդ տեղերը բաժանեցին «Զենիթի» բրազիլացի ռմբարկու Հալկը եւ «Ռոստովում» վարձավճարով հանդես եկող Արտյոմ Ձյուբան, ովքեր դարձան 17-ական գոլի հեղինակ։ Մոսկվայի «Սպարտակի» եւ Հայաստանի հավաքականի հարձակվող Յուրա Մովսիսյանը 16 գոլով գրավեց չորրորդ տեղը։

«Սպարտակի» կիսապաշտպան Արաս Օզբիլիսը Ռուսաստանի առաջնությունն ավարտեց 5 գոլով, Նիժնի Նովգորոդի «Վոլգայի» հարձակվող Արթուր Սարկիսովն աչքի ընկավ 4 անգամ, իսկ Եկատերինբուրգի «Ուրալի» խաղացող Էդգար Մանուչարյանը դարձել է 3 գոլի հեղինակ։



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։