«Փյունիկը»՝ Արման Հովհաննիսյանի հետ կապված միջադեպի մասին
12:03 28 ապրիլի, 2014Երեւանի «Փյունիկը» մեկնաբանել է ֆուտբոլի Հայաստանի Բարձրագույն խմբի առաջնության 23-րդ տուրի՝ Կապանի «Գանձասարի» հետ խաղում Արման Հովհաննիսյանի հետ կապված միջադեպը։ Ընդմիջման ժամանակ «Փյունիկի» եւ Հայաստանի երիտասարդական հավաքականի պաշտպանը կիսամերկ վիճակում վազել է երեւանյան ակումբի հանդերձարանից: Այդ խաղում Հովհաննիսյանը խաղադաշտ էր դուրս եկել «Փյունիկի» մեկնարկային կազմում:
«Փյունիկ» ֆուտբոլային ակումբը պաշտոնապես տեղեկացնում է, որ մամուլում տեղ գտած հրապարակումները պաշտպան Արման Հովհաննիսյանի հետ կապված միջադեպի մասին ամբողջովին չեն համապատասխանում իրականությանը:
Ինչպես ակումբի պաշտոնական կայքին տեղեկացրեց Արմանը, «Փյունիկ» – «Գանձասար» հանդիպման ընդմիջմանը նա անձնական լուր է ստացել ընտանիքից եւ անմիջապես վերցրել է հեռախոսն ու դուրս վազել: Այդ պատճառով ֆուտբոլիստը չի կարողացել շարունակել հանդիպումը»,- գրված է հաղորդագրության մեջ։
Ավելի վաղ հաղորդվում էր, որ «Փյունիկի» հանդերձարանում տեղի է ունեցել ծեծկռտուք:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։