Eurosport. Հենրիխ Մխիթարյանին ուղղված Bleacher Report-ի քննադատությունը կասկածելի է
10:30 16 ապրիլի, 2014Մարտի վերջին Bleacher Report-ը Հենրիխ Մխիթարյանի տեղափոխությունը ճանաչել էր Դորտմունդի «Բորուսիայի» ամենաանհաջող տրանսֆերը։ Հիմնականում նրան քննադատում էին պատասխանատու հանդիպումներում ցուցադրած ոչ վառ խաղի համար, գրում է Eurosport-ը՝ անդրադառնալով Դորտմունդի «Բորուսիայի» եւ Հայաստանի հավաքականի կիսապաշտպան Հենրիխ Մխիթարյանին։
«Անցել է ընդամենը մի քանի շաբաթ, սակայն այդ պնդումն արդեն կասկածելի է թվում, եւ «Վոլֆսբուրգի» հետ հանդիպումը դա հերթական անգամ ապացուցեց։
Մխիթարյանը լիովին իրավունք ունի Մարկո Ռոյսի հետ ճանաչվել խաղի լավագույն ֆուտբոլիստ։ Մրցակիցը սեփական մաշկի վրա զգաց, թե ինչու է «Բորուսիան» վճարել 27.5 միլիոն եվրո: Մխիթարյանը խաղում էր կիսապաշտպանության աջ եզրում, սակայն նա աչքի էր ընկնում հարձակման ամբողջ երկայնքով։ Հենրիխը հասցնում էր թե՛ պահեր ստեղծել թիմակիցների համար, թե՛ եզրափակել գրոհը։
Հենց նա բացեց հանդիպման հաշիվը, իսկ երկրորդ խաղակեսում երկու անգամ հարվածային դիրք դուրս բերեց Ռոբերտ Լեւանդովսկուն»,- գրում է կայքը։
Հիշեցնենք, որ Գերմանիայի գավաթի խաղարկության կիսաեզրափակիչում «Բորուսիան» 2։0 հաշվով հաղթել է «Վոլֆսբուրգին»։ Հայաստանի հավաքականի 25-ամյա ֆուտբոլիստը 12-րդ րոպեին դարձել է գոլի հեղինակ։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.