Դորտմունդի «Բորուսիայի» եւ Մյունխենի «Բավարիայի» միջեւ գերմանական Բունդեսլիգայի 30-րդ տուրի խաղի վերջնամասում դաշտի տերերի բրազիլացի պաշտպան Ռաֆինյան խաղադաշտից հեռացվեց ոչ մարզական վարքի համար:
Ավելացված ժամանակում բրազիլացին «ճանկռեց» «Բորուսիայի» եւ Հայաստանի հավաքականի կիսապաշտպան Հենրիխ Մխիթարյանի դեմքը, ինչը չվրիպեց խաղի գլխավոր մրցավարի ուշադրությունից:
Հիշեցնենք, որ դորտմունդցիները Մյունխենում հաղթեցին 3:0 հաշվով, իսկ 25-ամյա Մխիթարյանը դարձավ գոլի հեղինակ՝ Գերմանիայի ընթացիկ առաջնությունում իր գոլերի քանակը հասցնելով 7-ի:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։