Վիկ Դարչինյանի հաջորդ մենամարտը տիտղոսային է
15:57 9 ապրիլի, 2014Պրոֆեսիոնալ բռնցքամարտի երկու քաշային կարգերում աշխարհի նախկին չեմպիոն Վիկ Դարչինյանը (39-6-1, 28 նոկաուտ) մենամարտ կանցկացնի WBA վարկածով աշխարհի գործող չեմպիոն Նիկոլաս Ուոլթերսի հետ (23-0, 19 նակաուտ), փոխանցում է Boxingscene.com-ը։
Մենամարտը կկայանա մայիսի 31-ին չինական Մակաոյում։ Կվիճարկվի WBA վարկածով աշխարհի չեմպիոնի գոտին։
Ջամայկացի բռնցքամարտիկն այդ գոտին նվաճել է 2012 թվականին՝ նոկաուտի ենթարկելով Դաուլիս Պրոսկոտային։ Դրանից հետո նա հաջողությամբ էր ավարտել տիտղոսի պաշտպանության մենամարտը։
Հիշեցնենք, որ Վիկ Դարչինյանը պարտվել էր վերջին մենամարտում։ Նոյեմբերի 9-ին Տեխասում 10 ռաունդանոց մենամարտում Դարչինյանը տեխնիկական նակաուտով պարտվել էր երեք քաշային կարգերում աշխարհի նախկին չեմպիոն Նոնիտո Դոներին։
Ավելի վաղ հաղորդվում էր, որ 38-ամյա Դարչինյանն ուժերը ցանկանում է փորձել խառը մենամարտերում (MMA)։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.