Արթուր Աբրահամ. Անհամբեր սպասում եմ չեմպիոնական տիտղոսի պաշտպանությանը

12:43   9 ապրիլի, 2014

Պրոֆեսիոնալ բռնցքամարտի սուպերմիջին քաշային կարգում WBO վարկածով աշխարհի նորընծա չեմպիոն Արթուր Աբրահամը (39-4, 28 նոկաուտ) եւ նրա մրցակից Նիկոլա Սյեկլոցան (26-1, 8 նոկաուտ) խոսել են մայիսի 3-ին Բեռլինում կայանալիք մենամարտի մասին։ 

«Պատրաստվում են տապալել Աբրահամին եւ վերցնել նրա գոտին։ Նախորդ տարի լավ մենամարտ անցկացրի Սակիո Բիկայի հետ, ով դարձավ WBC վարկածով աշխարհի չեմպիոն։ Այժմ ցանկանում եմ նվաճել WBO-ի չեմպիոնական կոչումը եւ ռեւանշ մենամարտ անցկացնել Բիկայի հետ։ Երկար ժամանակ է հետեւում եմ Արթուր Աբրահամին եւ գիտեմ, թե ինչպես կարելի է հաղթել նրան»,- ասել է Չեռնոգորիայի ներկայացուցիչը։

«Ինձ տեսանյութերի միջոցով հետեւելն ու իմ դեմ ռինգ դուրս գալը տարբեր բաներ են։ Ապրիլի 9-ին կմեկնեմ մարզումների։ Գիտեմ, որ իմ մարզիչ Ուլի Վեգները կկազմի հիանալի ծրագիր։ Անհամբեր սպասում եմ տիտղոսի պաշտպանությանը»,- Աբրահամի խոսքը մեջբերում է Boxingnews24.com-ը։

Հիշեցնենք, որ իր նախորդ մենամարտում հայ բռնցքամարտիկը մարտի 2-ին հաղթել էր գերմանացի Ռոբերտ Շտիգլիցին՝ վերադարձնելով աշխարհի չեմպիոնի տիտղոսը։ 



© 2020 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։