Եվրոպայի առաջնություն. Կարեն Ասլանյանը նույնպես լքեց պայքարը

16:59   5 ապրիլի, 2014

Կարեն Ասլանյանը չկարողացավ մեդալ նվաճել Ֆինլանդիայի Վանտաա քաղաքում ընթացող հունահռոմեական ոճի ըմբշամարտի Եվրոպայի առաջնությունում:

59 կգ քաշային կարգում Հայաստանի ներկայացուցիչը 1/8 եզրափակիչում պարտվել էր բուլղարացի Ալեքսանդր Կոստանդինովին։ Քանի որ բուլղարացին դուրս էր եկել եզրափակիչ, Կարեն Ասլանյանը հնարավորություն էր ստացել պայքարել բրոնզե մեդալի համար, սակայն առաջին սփոփիչ գոտեմարտում պարտվեց ֆին Յանի Հաապամակիին՝ լքելով պայքարը: Հայ ըմբիշն առջեւում էր 6։2 հաշվով, սակայն մրցավարները երեք նկատողություն տվեցին նրան՝ ժամանակից շուտ դադարեցնելով գոտեմարտը։

Ապրիլի 5-ին պայքարի մեջ մտած Հայաստանի չորս ներկայացուցիչներից մյուս երկուսը եւս պարտություն էին կրել՝ դուրս մնալով հետագա պայքարից։ 130 կգ քաշային Վաչիկ Եղիազարյանն առաջին փուլում պարտվել էր ռուս Վասիլի Պարշինին, 66 կգ քաշային Արամ Ջուլֆալակյանն մեկնարկային գոտեմարտում հաղթել էր թուրք Յուքսել Աթաքանին, սակայն 1/8 եզրափակիչում պարտվեց սլովակ Իշթվան Լեւային

Եվրոպայի կրկնակի չեմպիոն Արթուր Ալեքսանյանը դուրս է եկել 98 կգ քաշայինների եզրափակիչ, որտեղ կգոտեմարտի թուրք Չենկ Իլդեմի հետ։



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։