Սոչի-2014. Արման Սերեբրակյանը դուրս եկավ հաջորդ փուլ
18:16 22 փետրվարի, 2014Հայաստանի ներկայացուցիչ Արման Սերեբրակյանը դուրս եկավ Սոչիում ընթացող 22-րդ ձմեռային օլիմպիական խաղերի լեռնադահուկի ոլորավայրէջքի մրցումների եզրափակիչ փուլ:
Նախնական փուլում ամերիկահայ մարզիկը գրանցեց 55.90 վայրկյան արդյունք՝ գրավելով 60-րդ տեղը: Այս փուլում լավագույն արդյունքը գրանցեց ավստրիացի Մարիո Մատը, ում Սերեբրակյանը զիջեց 9.20 վայրկյան: Կրկնակի օլիմպիական չեմպիոն, ավստրիացի Բենջամին Ռայխը դուրս մնաց պայքարից: Ոլորավայրէջքի եզրափակիչը կմեկնարկի փետրվարի 22-ին՝ Երեւանի ժամանակով 20:15-ի:
Հիշեցնենք, որ Արման Սերեբրակյանը փետրվարի 19-ին Սոչիում մասնակցել էր նաեւ լեռնադահուկային սպորտի հսկա ոլորավայրէջքի մրցումներին՝ զբաղեցնելով 46-րդ տեղը։ Այսօր նա կավարտի մրցելույթը Սոչիի Օլիմպիական խաղերում:
Ֆոտո՝ NEWS.am Sport
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.