Ռուս հոկեյիստների 5 գլխավոր անհաջողություններն Օլիմպիական խաղերում
19:54 19 փետրվարի, 2014Տափօղակով հոկեյի Ռուսաստանի հավաքականը երրորդ ձմեռային Օլիմպիական խաղերում անընդմեջ մնաց առանց մեդալի: Սոչիում ընթացող 22-րդ Խաղերում ռուսները պայքարից դուրս մնացին քառորդ եզրափակիչից՝ 1:3 հաշվով պարտվելով աշխարհի 2011թ. չեմպիոն Ֆինլանիդայի հավաքականին:
Ներկայացնում ենք հոկեյի Ռուսաստանի հավաքականի 5 գլխավոր անհաջողություններն Օլիմպիական խաղերում.
Սոչի-2014. Ֆինլանդիայից կրած պարտությունը
Սոչին պետք է գլխավոր մրցաշարը դառնար Օվեչկինի, Մալկինի, Կովալչուկի եւ այլ ռուս հոկեյիստների համար, սակայն նրանք չհասան նույնիսկ կիսաեզրափակիչ: Ռուսաստանի թիմը պարտվեց առանց աստղեր ունեցող Ֆինլանդիային, որի կազմից բացակում էր աշխարհի լավագույն դարպասապահ Տուկի Ռասկան, սակայն 43-ամյա Տեմու Սելյանեն սառույցի վրա էր:
Լեյկ-Պլեսիդ-1980. Ռուսաստանի հավաքականը պարտվեց ամերիկացի ուսանողներին
«Հրաշք սառույցի վրա». հենց այդպես անվանվեց ԽՍՀՄ-ի եւ ԱՄՆ-ի թիմերի միջեւ հանդիպումը, որը կայացավ 1980-ի փետրվաի 22-ին Լեյկ-Պլեսիդի Խաղերում: Աշխարհի ու Օլիմպիական խաղերի գործող չեմպիոն ռուսներն անակնկալ պարտություն կրեցին ԱՄՆ-ի թիմից, որի կազմում հանդես էին գալիս ուսանողներ: Այդ մրցաշարում ամերիկացիները հասան մինչեւ եզրափակիչ, որտեղ հաղթեցին Ֆինլանդիայի հավաքականին:
Լիլեհամեր-1994 եւ «անհասկանալի» Ռուսաստանի հավաքական
1994-ին Ռուսաստանի հավաքականի կազմը, երեւի, ամենաթույլն էր թիմի օլիմպիական պատմության մեջ: Այդ ժամանակ հավաքականի բոլոր ուժեղագույն հոկեյիստները մեկնել էին Հոկեյի ազգային լիգա, իսկ NHL-ը հրաժարվել էր դադարեցնել կանոնավոր առաջնությունն Օլիմպիական խաղերի ժամանակ: Ռուսների մրցակցիներն էին Շվեդիայի, Ֆինլանդիայի եւ Սլովակիայի ուժեղ թիմերը: Այդյունքում՝ Ռուսաստանի հավաքականը գրավեց չորրորդ տեղն՝ առաջին անգամ Օլիմպիական խաղերում մնալով առանց մեդալի:
Թուրին-2006. Կանադային հաղթելուց հետո՝ չորրորդ տեղ
2006-ին կանադացիները հիանալի անցկացրին խմբային փուլը եւ դուրս եկան քառորդ եզրափակիչ, սակայն 0:2 հաշվով պարտվեցին ռուսներին: Կիսաեզրափակիչում Ռուսաստանի թիմը 0:4 հաշվով պարտվեց Ֆինլանդիային, իսկ երրորդ տեղի համար խաղում 3 անպատասխան գոլ բաց թողեց չեխերից:
Վանկուվեր-2010. Ռուսաստան – Կանադա՝ 3:7
Վանկուվերի Խաղերից առաջ ռուսները 2 անգամ անընդմեջ հաղթել էին աշխարհի առաջնությունում եւ մրցաշարին մոտեցել էին որպես գլխավոր ֆավորիտ: Ռուսաստանի թիմն առաջին տեղով ավարտեց խմբային փուլը, իսկ ահա կանադացիները դժվարությամբ դուրս եկան փլեյ-օֆֆ: Սակայն հետո Կանադայի հավաքականը կերպարանափոխվեց եւ գերմանացիներին 8:2 հաշվով հաղթելուց հետո պարտության մատնեց նաեւ ռուսներին՝ 7:3:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.