Տափօղակով հոկեյի ԱՄՆ-ի եւ Ռուսաստանի հավաքականների միջեւ Սոչիի 22-րդ ձմեռային օլիմպիական խաղերի երկրորդ տուրի հանդիպման վերջնամասում տեղի ունեցավ մի դրվագ, որը դարձել է սկանդալի պատճառ:
2:2 հաշվի ժամանակ Ալեքսանդր Տյուտինի հարվածից հետո տափօղակը հայտնվեց ամերիկացիների դարպասում, սակայն մրցավարները չհաշվեցին ռուսաստանցու գոլը: Պատճառն այն է, որ հարվածի պահին ամերիկացիների դարպասը տեղում չի եղել: Որոշ կարծիքների համաձայն՝ ԱՄՆ-ի թիմի դարպասապահ Ջոնաթան Քուիկը միտումնավոր է շարժել դարպասը:
Խաղից հետո մրցավարն Ալեքսանդր Տյուտինին ասել է, որ դարպասը տեղաշարժված է եղել մինչեւ նրա հարվածը:
Հիշեցնենք, որ Ռուսաստան – ԱՄՆ խաղի հիմնական ժամանակն ավարտվել էր 2:2 հաշվով, իսկ հետխաղյա բուլիտները հաջողություն էին բերել ամերիկացիներին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։