Սոչի-2014. Մեդալային հաշվարկ՝ երկրորդ օրվանից հետո
00:21 10 փետրվարի, 2014Սոչիում անցկացվող 22-րդ ձմեռային օլիմպիական խաղերի մրցանակային երկրորդ օրվանից հետո մեդալ են նվաճել 16 երկրեր:
Ընդհանուր հաշվարկում առաջին տեղում Նորվեգիան է, որն ունի 7 մեդալ (2 ոսկե, 1 արծաթե, 4 բրոնզե): Երկրորդը 4 մեդալ (2-1-1) նվաճած հոլանդացիներն են, իսկ ամերիկացիները նույնպես 4 մեդալով (2-0-2) եզրափակում են լավագույն եռյակը: 4-ական մեդալի արժանացած ռուսներն ու կանադացիները բաժանում են 4-5-րդ տեղերը (1-2-1):
Մեկական ոսկե մեդալ նվաճել են նաեւ Գերմանիայի, Ավստրիայի, Լեհաստանի, Սլովակիայի եւ Շվեյցարիայի ներկայացուցիչները:
Հիշեցնենք, որ փետրվարի 9-ին ելույթ ունեցան նաեւ Հայաստանը ներկայացնող Սերգեյ Միքայելյանը եւ Արթուր Եղոյանը, ովքեր մասնակցեցին դահուկավազքի սկիատլոնի մրցմանը (30 կմ): 68 մարզիկների պայքարում Միքայելյանը գրավեց 46-րդ տեղը, իսկ Եղոյանը 63-րդն էր:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.