Australian Open. Ցիբուլկովան ու Լին կհանդիպեն եզրափակիչում

Թենիսի կանանց Ավստրալիայի բաց առաջնության եզրափակիչում կհանդիպեն սլովակ Դոմենիկա Ցիբուլկովան եւ չինուհի Նա Լին:

Մելբուրնում ընթացող մրցաշարի երկրորդ կիսաեզրափակիչում Ցիբուլկովան մեկ ժամ 6 րոպեում վստահ հաղթանակ տարավ Լեհաստանը ներկայացնող Ագնեշկա Ռադվանսկայի նկատմամբ՝ 6:1, 6:2:

Հիշեցնենք, որ մյուս կիսաեզրափակիչում Լին հաղթել էր կանադացի Էժենի Բուշարին:

Եզրափակիչը կկայանա հունվարի 25-ին: Մրցաշարի մրցանակային հիմնադրամը 14 միլիոն դոլար է:

Australian Open, կանայք, կիսաեզրափակիչ 

Դոմենիկա Ցիբուլկովա (Սլովակիա, 20) - Ագնեշկա Ռադվանսկա (Լեհաստան, 5)՝ 6:1, 6:2

Նա Լի (Չինաստան, 4) - Էժենի Բուշար (Կանադա, 30)՝ 6:2, 6:4