Լեւոն Արոնյան. Վուգար Գաշիմովի մահվան լուրը շատ ցավալի էր

21:24   11 հունվարի, 2014

Շատ տխուր եմ եւ ցավում եմ Վուգար Գաշիմովի մահվան համար, ասել է շախմատի Հայաստանի հավաքականի առաջին համար Լեւոն Արոնյանը: Հոլանդիայի Վեյկ Ան Զեե քաղաքում մեկնարկած Tata Steel Chess շախմատային մրցաշարի առաջին տուրում հնդիկ գրոսմայստեր Պենտալա Հարիկրիշնայի հետ ոչ ոքի խաղալուց հետո ՖԻԴԵ-ի դասակարգման երկրորդ համարն անդրադարձել է ադրբեջանցի շախմատիստ Վուգար Գաշիմովին, ով 27 տարեկանում մահացել էր տեւական ծանր հիվանդության պատճառով:

«Տարօրինակ պարտիա ստացվեց: Մարդիկ ինձ համարում են մրցաշարի ֆավորիտ, իսկ ես կփորձեմ ցուցադրել լավագույն որակներս:

Վուգար Գաշիմովի մահվան լուրը շատ ցավալի էր: Ես գիտեի, որ նա ծանր առողջական վիճակում է: Մեծ տխրություն է, երբ որեւէ մեկը մահանում է այդ տարիքում, այն էլ՝ այդքան տաղանդավոր շախմատիստը: Գաշիմովի դեմ ունեցել եմ մի քանի հետաքրքիր պարտիաներ: Շատ տխուր եմ եւ ցավում եմ նրա մահվան համար»,- Արոնյանի խոսքը մեջբերում է մրցաշարի մամուլի ծառայությունը:

Հիշեցնենք, որ Tata Steel Chess-ում հայ գրոսմայստերի հաջորդ մրցակիցն իտալացի Ֆաբիանո Կարուանան է, ով առաջին տուրում սպիտակներով հաղթել է իսրայելցի Բորիս Գելֆանդին:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։