Լեւոն Արոնյանը տարին ավարտեց երկրորդ տեղում
12:11 23 դեկտեմբերի, 20132700chess.com-ը ներկայացրել է շախմատիստների համաշխարհային դասակարգման թարմացված աղյուսակը։
Շախմատի Օլիմպիադայի եռակի չեմպիոն Հայաստանի հավաքականի առաջատար Լեւոն Արոնյանը շարունակում է զբաղեցնել երկրորդ տեղը։ Արոնյանն առաջադիմել է 9.5 միավորով եւ նրա գործակիցը այժմ կազմում է 2812.5։
Աշխարհի նորընծա չեմպիոն Մագնուս Կարլսենը 2872 գործակցով առաջինն է: Լավագույն տասնյակում են նաեւ ամերիկացի Հիկարու Նակամուրան, ռուսաստանցի Վլադիմիր Կրամնիկը, բուլղարացի Վեսելին Տոպալովը, իտալացի Ֆաբիանո Կարուանան, ռուսաստանցի Ալեքսանդր Գրիշչուկը, իսրայելցի Բորիս Գելֆանդը, հնդիկ Վիշվանաթան Անանդը եւ ռուսաստանցի Սերգեյ Կարյակինը:
Հիշեցնենք, որ Չինաստանի մայրաքաղաք Պեկինում ավարտված Համաշխարհային մտավոր խաղերի ծրագրով շախմատի մրցումների կայծակնային խաղի (բլից) մրցաշարում Արոնյանը նվաճեց արծաթե մեդալը, իսկ տղամարդկանց աշխարհի թիմային առաջնությունում հայ շախմատիստն ուժեղագույնն էր առաջին խաղատախտակի վրա։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.