Պեկին. Լեւոն Արոնյանն ուժեղ է ադրբեջանցի Թեյմուր Ռաջաբովից
11:01 16 դեկտեմբերի, 2013Չինաստանի մայրաքաղաք Պեկինում շարունակվող Համաշխարհային մտավոր խաղերի ծրագրով շախմատի մրցումների կայծակնային խաղի (բլից) 23-րդ տուրում շախմատի համաշխարհային Օլիմպիադայի եռակի չեմպիոն Հայաստանի հավաքականի առաջատար Լեւոն Արոնյանը սեւերով հաղթեց Թեյմուր Ռաջաբովին։ Ադրբեջանցի շախմատիստը 76-րդ քայլում ընդունեց իր պարտությունը։
ՖԻԴԵ-ի երկրորդ համարը 24-րդ պարտիայում սպիտակներով առավելության հասավ նաեւ վիետնամցի Լե Քուանգ Լիեմի նկատմամբ։ Պարտիան ավարտվեց 59-րդ քայլում։
24-րդ տուրից հետո Արոնյանն ունի16 միավոր եւ չինուհի Հու Յիֆանին զիջում է 1.5 միավոր։ Հայ շախմատիստի հաջորդ մրցակիցն է կուբացի Պերես Դոմինգեսը։
Հիշեցնենք, որ 21-րդ տուրում Արոնյանը ոչ ոքի էր խաղացել ռուսաստանցի Սերգեյ Կարյակինի հետ, իսկ 22-րդ պարտիայում հաղթել ամերիկացի Գատա Կամսկիին։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.