Terrikon.com. Հենրիխ Մխիթարյանը լավագույնն էր խաղադաշտում
10:15 27 նոյեմբերի, 2013Հենրիխ Մխիթարյանը լավագույնն էր խաղադաշտում։ Նա չդարձավ գոլի հեղինակ, ոչ էլ գոլային փոխանցում կատարեց, սակայն Հենրիխի տեխնիկապես գերազանց եւ արագ ֆուտբոլը ոչնչացրեց «Նապոլիի» պաշտպանությունը, գրում է ուկրաինական Terrikon.com կայքը՝ անդրադառնալով Դորտմունդի «Բորուսիայի» եւ Հայաստանի հավաքականի 24-ամյա կիսապաշտպան Հենրիխ Մխիթարյանին՝ Չեմպիոնների լիգայի խմբային փուլի՝ իտալական «Նապոլիի» հետ խաղում։
«Մի քանի անգամ Մխիթարյանի փոխանցումները չիրացրեց Լեւանդովսկին, ով վատ հանդիպում անցկացրեց։ Մեկ անգամ Հենրիխը հարվածեց դարպասաձողին։ Դա տեղի ունեցավ մրցակցի ամբողջ պաշտպանությունը ճեղքելուց հետո։ Խաղի ընթացքում Մխիթարյանը մի քանի անգամ կատարեց նման անցումներ»,- գրում է կայքը։
Հիշեցնենք, որ «Բորուսիան» հաղթեց 3։1 հաշվով, իսկ Հենրիխ Մխիթարյանը մասնակցել ամբողջ հանդիպմանը։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։