Գեւորգ Ղազարյանը 2 տարվա պայմանագիր կնքեց «Շախտյորի» հետ

19:20   26 նոյեմբերի, 2013

Հայաստանի հավաքականի կիսապաշտպանը Գեւորգ Ղազարյանը նոյեմբերի 26-ին 2 տարվա պայմանագիր է կնքել Կարագանդայի «Շախտյորի» հետ, հայտնում են NEWS.am Sport-ի աղբյուրները: 

Ղազախական ակումբը Դոնեցկի «Մետալուրգից» գնել է 25-ամյա Ղազարյանի տրանսֆերային իրավունքը: Ղազախստանի ավարտված առաջնությունում նա Կարագանդայի թիմում հանդես էր գալիս վարձավճարով:

Հիշեցնենք, որ այս տարի Ղազարյանը «Շախտյորի» կազմում դարձել է Ղազախստանի գավաթակիր, ինչպես նաեւ մասնակցում է Եվրոպայի լիգայի խմբային փուլին: Նրա ծառայություններով հետաքրքրված է նաեւ Սլովակիայի հավաքականի նախկին գլխավոր մարզիչ Վլադիմիր Վայսը, ով աշխատում է ղազախական «Կայրաթում»:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։