Գեւորգ Ղազարյան. Կան տարբերակներ Ռուսաստանից, Ուկրաինայից եւ Ղազախստանից
19:31 18 նոյեմբերի, 2013Նոյեմբերի 18-ին ղազախական Vesti.kz-ին տված հարցազրույցում Կարագանդայի «Շախտյորի» գլխավոր մարզիչ Վիկտոր Կումիկովը նշել է, որ Հայաստանի ազգային հավաքականի հարձակվող Գեւորգ Ղազարյանը, հավանական է, խաղաշրջանի ավարտից հետո լքի թիմը:
NEWS.am Sport-ի թղթակցի հետ զրույցում Գեւորգ Ղազարյանը պարզաբանեց այս լուրը:
«Ես ինքս նոր իմացա մարզիչի այդ հայտարարության մասին: Շատ հնարավոր է, որ խաղաշրջանի ավարտից հետո ես լքեմ թիմը: «Մետալուրգն» ու «Շախտյորն» արդեն նախնական պայմանավորվածություն են ձեռք բերել իմ նոր պայմանագրի հարցում: Բայց այս պահին կան մի քանի այլ տարբերակներ՝ թիմեր Ռուսաստանի, Ուկրաինայի եւ Ղազախստանի առաջնությունից, որտեղ ես կարող եմ շարունակել կարիերաս: Չեմ կարող առանձնացնել, թե որտեղ կցանկանամ հանդես գալ: Բայց ասեմ, որ ինձ այստեղ` «Շախտյորում» դուր է գալիս եւ շատ մեծ է հավանականությունը, որ ես մնամ այստեղ»,- ասաց Ղազարյանը:
Գեւորգ Ղազարյանի վարձակալության պայմանագիրը «Շախտյորի» հետ լրանում է դեկտեմբերին:
Վերա Մարտիրոսյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.