Գառնիկ Ավալյան. Խաղացինք ինչպես կարող էինք

21:14   16 նոյեմբերի, 2013

Թիմը խաղաց այնպես, ինչպես կարող է հիմա: Տղաներից բողոքներ չունեմ, ասել է ֆուտբոլի Ռուսաստանի երկրորդ լիգայում հանդես եկող Ռյազանի «Զվեզդայի» գլխավոր մարզիչ Գառնիկ Ավալյանը: Հայաստանի հավաքականի նախկին ֆուտբոլիստը մեկնաբանել է Ռուսաստանի գավաթի խաղարկության 1/8 եզրափակիչում «Կրասնոդարից» կրած պարտությունը:

«Եղավ այն, ինչ սպասում էինք: Թիմը խաղաց այնպես, ինչպես կարող է հիմա: Տղաներից բողոքներ չունեմ: Նրանք փորձեցին անել այն, ինչ կարողանում են: Մեզ մոտ շատ բան չէր ստացվում, քանի որ մրցակիցը թույլ չէր տալիս: «Կրասնոդարը» խաղում էր արագ, եւ մենք չէինք հասցնում վերադասավորվել:

Բաց թողեցինք ոչ պարտադիր գոլ: Կարող էինք բաց թողնել եւս 2-3 գնդակ: Արեցինք այն ամենը, ինչ կարող էինք: Գավաթային խաղ ստացվեց: Այն տարբերվում էր բնավորությամբ: Ստիպված չեղանք հատուկ տրամադրել թիմին: Փոխարինումների միջոցով փորձեցինք փոխել խաղը, սակայն նրանք չօգնեցին՝ փչացնելով ընդհանուր պատկերը»,- Ավալյանի խոսքը մեջբերում է «Կրասնոդարի» կայքը:

Հիշեցնենք, որ Հայաստանի հավաքականի կիսապաշտպան Մարկոս Պիզելին «Կրասնոդարի» կազմում մասնակցել էր ամբողջ խաղին: Քառորդ եզրափակիչում կրասնոդարցիները կմրցեն «Սպարտակ» - «Տոսնո» զույգի հաղթողի հետ:



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.