Յուրա Մովսիսյանի հեթ-տրիկի շնորհիվ «Սպարտակը» հաղթեց «Զենիթին»

15:27   10 նոյեմբերի, 2013

Ֆուտբոլի Հայաստանի հավաքականի հարձակվող Յուրա Մովսիսյանի խփած 3 գոլերի շնորհիվ Մոսկվայի «Սպարտակը» Ռուսաստանի առաջնության 16-րդ տուրում 4:2 հաշվով կամային հաղթանակ տարավ Սանկտ Պետերբուրգի «Զենիթի» նկատմամբ:

Առանց երկրպագուների անցած խաղի առաջին րոպեին Յուրա Մովսիսյանը ստացավ դեղին քարտ, քանի որ ցանկանում էր ձեռքով գրավել հյուրերի դարպասը: Հանդիպման հաշիվը 6-րդ րոպեին բացեց «Զենիթի» ռուս հարձակվող Ալեքսանդր Կերժակովը: 19-րդ րոպեին հյուրերը կարող էին կրկնապատկել առավելությունը, սակայն բրազիլացի Հալկը վրիպեց 11 մետրանոց հարվածից: 33-րդ րոպեին Յուրա Մովսիսյանն անկյունային հարվածի խաղարկման արդյունքում գլխի հարվածով հավասարեցրեց հաշիվը, իսկ 12 րոպե անց նաեւ առաջ մղեց «Սպարտակին»՝ դառնալով դուբլի հեղինակ:

Առաջին խաղակեսն ավարտվեց 2:1 հաշվով, իսկ ընդմիջումից 3 րոպե անց Հայաստանի հավաքականի հարձակվողը երրորդ գնդակ ուղարկեց պետերբուրգցիների դարպասը: 58-րդ րոպեին Յուրա Մովսիսյանը թեթեւ վնասվածք ստացավ եւ նրան փոխարինեց պարագվայցի հարձակվող Լուկաս Բարիոսը, իսկ 6 րոպե անց Բրազիլիայի հավաքականի խաղացող Հալկը կրճատեց հաշվի տարբերությունը: 83-րդ րոպեին ռուս կիսապաշտպան Դենիս Գլուշակովը խփեց «Սպարտակի» չորրորդ գոլը՝ վերջակետ դնելով խաղին:

Հայաստանի հավաքականի կիսապաշտպան Արաս Օզբիլիսը «Սպարտակի» մեկնարկային կազմում խաղաց առանց փոխարինման:

Յուրա Մովսիսյանը Ռուսաստանի ընթացիկ առաջնությունում իր գոլերի քանակը հասցրեց 12-ի՝ հավասարվելով ռմբարկուների ցուցակը գլխավորող Արտյոմ Դյուբային: Վալերի Կարպինի թիմը հավաքեց 33 միավոր եւ հավասարվեց երկրորդ տեղում գտնվող Մոսկվայի «Լոկոմոտիվին»: Առաջատար «Զենիթն» ունի 36 միավոր: 

Ռուսաստանի առաջնություն, 12-րդ տուր 

«Սպարտակ» - «Զենիթ»՝ 4:2

Յուրա Մովսիսյան, 33, 44, 48, Դենիս Գլուշակով, 83 - Ալեքսանդր Կերժակով, 6, Հալկ, 64



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.