ՌՖՄ-ն չի բավարարել «Սպարտակի» բողոքը

17:10   2 նոյեմբերի, 2013

Ռուսաստանի ֆուտբոլային միության (ՌՖՄ) կարգապահական կոմիտեն չի բավարարել է Մոսկվայի «Սպարտակի» բողոքը՝ ուժի մեջ թողնելով Վալերի Կարպինի թիմին Պրեմյեր լիգայի 2 խաղով երկրպագուներից «զրկելու» որոշումը: Նման որոշում է կայացվել ՌՖՄ-ի՝ նոյեմբերի 2-ին կայացած նիստում, տեղեկացնում է ՌՖՄ-ի կայքը:

Ավելի վաղ «Սպարտակը» ՌՖՄ-ին խնդրել էր չեղյալ հայտարարել պատժամիջոցը, քանի որ նոյեմբերի 3-ին կայանալիք Մոսկվայի «Լոկոմոտիվի» դեմ 15-րդ տուրի խաղի գրեթե բոլոր՝ 27 հազար տոմսերն արդեն վաճառվել են:

Հիշեցնենք, որ «Սպարտակը» պատժվել էր, քանի որ Յարոսլավլի «Շիննիկի» դեմ Ռուսաստանի Գավաթի 1/16 եզրափակիչի խաղի ժամանակ մոսկովյան ակումբի ֆանատները զանգվածային բախում էին հրահրել: «Լոկոմոտիվի» եւ նոյեմբերի 10-ին անցկացվելիք Սանկտ Պետերբուրգի «Զենիթի» դեմ խաղերում մոսկովյան ակումբը հանդես կգա առանց երկրպագուների:



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.