Պելեգրինին չի ցանկացել սեղմել Մոուրինյոյի ձեռքը
00:02 28 հոկտեմբերի, 2013Պարզապես չցանկացա սեղմել Ժոզե Մոուրինյոյի ձեռքը, ասել է անգլիական «Մանչեսթեր Սիթիի» գլխավոր մարզիչ Մանուել Պելեգրինին: Չիլիացի մասնագետը խոսել է Պրեմյեր լիգայի 9-րդ տուրում Լոնդոնի «Չելսիից» կրած պարտության մասին:
«Պարզապես անհավատալի է, թե ինչպես մենք պարտվեցինք այս խաղում: Բաց թողեցինք անիմաստ գոլեր: Եթե դու ցանկանում ես հաղթել Պրեմյեր լիգայում, ապա պետք է հաղթահարես խնդիրները: Իմ թիմը լավ է խաղում: Երկրորդ խաղակեսում մենք կառավարում էինք խաղը: Ունեցանք 2-3 գոլային պահեր, այնպես որ խնդիրներ չունենք արտագնա խաղերի հետ կապված: Անիմաստ կորցնում ենք միավորներ: Մենք արժանի չէինք պարտության այն 3 խաղերում, որոնցում պարտվել ենք:
Իսկ թե ինչու խաղից հետո չսեղմեցի Մոուրինյոյի ձեռքը, պարզապես չցանկացա անել դա»,- Պելեգրինիի խոսքը մեջբերում է BBC-ն:
Հիշեցնենք, որ նախորդ մրցաշրջանում Մանուել Պելեգրինին գլխավորում էր իսպանական «Մալագան», իսկ Ժոզե Մոուրինյոն՝ Մադրիդի «Ռեալը»:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.