The Independent. Մխիթարյանը կառավարում էր «Բորուսիայի» խաղը եւ ստվերում թողեց Օզիլին
12:38 23 հոկտեմբերի, 2013«Արսենալի» դեմ խաղում Հենրիխ Մխիթարյանի բոլոր գործողություններում նկատվում էր բարձր կարգ, գրում է The Independent-ը, որն անդրադարձել է Դորտմունդի «Բորուսիայի» եւ Լոնդոնի «Արսենալի» միջեւ Չեմպիոնների լիգայի խմբային փուլի երրորդ տուրի խանղին:
«Մինչեւ խաղը բոլորը հիանում էին Մեսութ Օզիլով, սակայն խաղադաշտում ամենաակտիվ ֆուտբոլիստը հյուրերը 10 համար Հենրիխ Մխիթարյանն էր: Ցուցադրելով հիանալի տեխնիկա, ակտիվություն ու համառություն՝ Մխիթարյանն ընդգծեց, թե ինչու էր «Լիվերպուլն» այդքան շատ ցանկանում ձեռք բերել նրան: Հայ կիսապաշտպանն առաջ մղեց «Բորուսիային»՝ աչքի ընկնելով դիպուկ հարվածով: Նրա բոլոր գործողություններում նկատվում էր բարձր կարգ: Մխիթարյանը գտնում էր ազատ տարածություններ, շրջանցում էր «Արսենալի» ֆուտբոլիստներին, վաստակում էր տուգանային հարվածներ եւ կառավարում էր դորտմունդցիների խաղը: «Բորուսիան» կորցրել է Մարիո Գյոտցեին, բայց ոչ իր դեմքը»,- գրում է The Independent-ը:
Հիշեցնենք, որ «Բորուսիան» Լոնդոնում հաղթեց 2:1 հաշվով, իսկ դորտմունդցիների առաջին գոլը խփեց Հայաստանի հավաքականի կիսապաշտպան Հենրիխ Մխիթարյանը, ով խաղաց 67 րոպե:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։