Մարկետի. Խաղի սկզբնամասում հայերը մեծ ճնշում էին գործադրում մեր պաշտպանության վրա
12:38 16 հոկտեմբերի, 2013Հանդիպման սկզբնամասում Հայաստանի հավաքականը մեծ ճնշում էր գործադրում, ինչի արդյունքում հաճախակի էինք սխալվում եւ գոլ բաց թողեցինք, հայտարարել է «Լացիոյի» եւ Իտալիայի հավաքականի դարպասապահ Ֆեդերիկո Մարկետին՝ խոսելով 2014թ. աշխարհի առաջնության ընտրական վերջին՝ Հայաստանի հավաքականի հետ խաղի մասին՝ 2։2։
«Չհաջողվեց ցուցադրել մեր խաղը։ Ամոթ է, որ չկարողացանք հաղթել, քանի որ շատ գոլային պահեր ստեղծեցինք, հատկապես՝ երկրորդ խաղակեսում։ Ոչ ոքին չի գոհացնում մեզ։ Հայաստանի հավաքականի հետ հանդիպման մեկնարկային 20 րոպեն ցույց տվեց, որ պետք է բարելավենք մեր խաղը։ Երկրորդ խաղակեսում ավելի լավ էինք գործում»,- Մարկետիի խոսքը մեջբերում է Football Italia-ն։
Հիշեցնենք, որ Մարկետին Իտալիայի հավաքականի մեկնարկային կազմում փոխարինում էր Թուրինի «Յուվենտուսի» դարպասապահ Ջանլուիջի Բուֆոնին։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.