Պրանդելի. Չէինք պատրաստվում համակերպվել պարտության հետ
11:27 16 հոկտեմբերի, 2013Հանդիպումը շատ վատ սկսեցինք. դա վերաբերում է մեկնարկային 20 րոպեներին։ Դրանից հետո բարձրացրինք տեմպը եւ սկսեցինք լավ գործել, հայտարարել է Իտալիայի հավաքականի գլխավոր մարզիչ Չեզարե Պրանդելին՝ խոսելով 2014թ. աշխարհի առաջնության ընտրական վերջին՝ Հայաստանի հավաքականի հետ խաղի մասին՝ 2։2։
«Ցավոք, կրկին գնդակ բաց թողեցինք կոպիտ սխալի պատճառով, սակայն չէինք պատրաստվում համակերպվել պարտության հետ։ Տեսնում էի ֆուտբոլիստների, որոնք չէին պատրաստվում հանձնվել, իսկ դա դրական նշան է։
Տղաներին ասացի, որ նրանք պարտավոր են լավ ֆուտբոլ խաղալ, եւ այժմ նրանց համար սկսվում է աշխարհի առաջնության ընտրությունը, քանի որ գնահատելու եմ յուրաքանչյուր խաղը։
Իտալիան եզրափակիչ փուլի ուղեգիր նվաճեց՝ առանց պարտության»,- Պրանդելիի խոսքը մեջբերում է Football Italia-ն։
Հիշեցնենք, որ Հայաստանի հավաքականն աշխարհի առաջնության ընտրական մրցաշարը 10 խաղից հետո ավարտեց 13 միավորով եւ բուլղարացիների հետ բաժանեց 4-5-րդ տեղերը: B խմբում 22 միավորով հաղթեցին իտալացիները, իսկ Դանիայի հավաքականը 16 միավորով գրավեց երկրորդ տեղը, սակայն դանիացիները չստացան անցումային խաղերի մասնակցելու իրավունք, քանի որ B խմբի երկրորդ տեղի թիմի արդյունքը վատագույնն էր 9 խմբերի մեջ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.