Պրանդելի. Հայաստանի հավաքականի հետ բարդ հանդիպում է սպասվում
10:40 12 հոկտեմբերի, 2013Հանդիպման ժամանակ չի կարելի կորցնել զգոնությունը, սակայն դուրս մնացինք խաղից եւ առաջին խաղակեսի վերջնամասում գնդակ բաց թողեցինք, հայտարարել է Իտալիայի հավաքականի գլխավոր մարզիչ Չեզարե Պրանդելին։ Իտալացի մասնագետը խոսել է 2014թ. աշխարհի առաջնության ընտրական փուլի՝ Դանիայի հավաքականի հետ հանդիպման մասին։
«Երկրորդ խաղակեսի մեկնարկում միայն պաշտպանվում էինք։ Հավաքականը լավ է խաղում, երբ նախաձեռնությունը վերցնում է իր ձեռքը, իսկ այն կորցնելուց հետո ավելի խոցելի է դառնում։ Երբ տիրեցինք գնդակին, սկսեցինք գոլային պահեր ստեղծել։
Բալոտելին չի խաղացել վնասվածքի պատճառով, սակայն հույս ունեմ, որ նա կապաքինվի։ Հայաստանը պայքարում է երկրորդ տեղի համար, այդ պատճառով խաղը բարդ է լինելու։ Ցանկանում ենք ընտրական փուլն ավարտել առանց պարտությունների»,- Պրանդելիի խոսքը մեջբերում է Goal.com-ը։
Հիշեցնենք, որ Դանիա - Իտալիա հանդիպումն ավարտվել էր ոչ ոքի՝ 2։2։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.