Ո՞վ է բուլղարացի ֆուտբոլիստներից միջնամատ ցույց տվել հայ երկրպագուներին (ֆոտո)
20:40 10 հոկտեմբերի, 2013«Զվարթնոց» օդանավակայանում հոկտեմբերի 10-ին հայ ֆուտբոլային երկրպագուները չափազանց ագրեսիվ էին դիմավորել ֆուտբոլի Բուլղարիայի հավաքականին: Սակայն բուլղարացիներն էլ իրենց հերթին պատասխանել էին հայ ֆանատներին:
Բուլղարիայի հավաքականի եւ Սոֆիայի «Սլավիայի» եզրային պաշտպան Ռադոսլավ Դիմիտրովն ավտոբուսից միջնամատ էր ցույց տվել երկրպագուներին, ովքեր վանկարկում էին «Цигане» եւ բազմաթիվ հայհոյանքներ: 25-ամյա Դիմիտրովը 4 խաղ է անցկացրել Բուլղարիայի հավաքականի կազմում:
Իր հերթին իտալական «Վերոնայի» դարպասապահ Նիկոլայ Միխայլովն ավտոբուսից կանխատեսեց բուլղարացիների 3:0 հաշվով հաղթանակը:
Հիշեցնենք, որ Հայաստան - Բուլղարիա աշխարհի առաջնության ընտրական խաղը կկայանա հոկտեմբերի 11-ին Երեւանի «Հանրապետական» ստադիոնում։ Նախավերջին տուրից առաջ երկրորդ տեղում գտնվող բուլղարացիներն ունեն 13 միավոր, իսկ Հայաստանի հավաքականը՝ 9:
Ֆոտո՝ Արսեն Սարգսյան
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.