«Բավարիան» Դորտմունդի «Բորուսիային» շնորհավորել է նորեկների կապակցությամբ

21:01   11 հուլիսի, 2013

Դորտմունդի «Բորուսիային» կարելի է շնորհավորել թիմի նորեկների կապակցությամբ, ասել է Մյունխենի «Բավարիայի» մազրական տնօրեն Մատիաս Զամերը: Գերմանիայի հավաքականի նախկին ֆուտբոլիստը խոսել է դորտմունդցիների տրանսֆերային քաղաքականության եւ նորեկների մասին:

«Իհարկե, ես լավ չեմ ճանաչում այդ ֆուտբոլիստներին, սակայն գիտեմ նրանց բավականաչափ: Կարող եմ ասել, որ նրանք հիանալի ձեռքբերումներ են ինչպես Դորտմունդի «Բորուսիայի», այնպես էլ Բունդեսլիգայի համար: Այնպես որ «Բորուսիային» կարելի է շնորհավորել այդ կապակցությամբ»,- Զամերի խոսքը փոխանցում է sport1.de-ն:

Հիշեցնենք, որ ամառային տրանսֆերային պատուհանի ժամանակ «Բորուսիան» ձեռք է բերել գաբոնցի հարձակվող Պյեր-Էմերիկ Օբամեյանգին («Սենտ Էթյեն»), հույն պաշտպան Սոկրատիս Պապաստատոպուլոսին («Վերդեր») եւ Հայաստանի հավաքականի կիսապաշտպան Հենրիխ Մխիթարյանին, ով հուլիսի 10-ին կայացած ընկերական խաղում իր առաջին գոլը խփեց Յուրգեն Կլոպի թիմի կազմում: 24-ամյա Մխիթարյանը Գերմանիայի 8-ակի չեմպիոնի հետ կնքել է 4 տարվա պայմանագիր՝ ստանալով 10 համարի մարզաշապիկը:



© 2026 NEWS.am - Sport

The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.