«Շախտյոր» - «Մետալուրգ» Դոնեցկ` 4:0. Հենրիխ Մխիթարյանը` գոլի եւ գոլային փոխանցման հեղինակ
20:50 26 մայիսի, 2013Դոնեցկի «Շախտյորը» հաղթանակով ավարտեց ֆուտբոլի Ուկրաինայի 2012/2013թթ. առաջնությունը:
Ուկրաինական Պրեմյեր լիգայի վերջին` 30-րդ տուրում չեմպիոնի տիտողոսն ապահոված «Շախտյորը» սեփական խաղադաշտում 4:0 հաղթեց Դոնեցկի «Մետալուրգին»:
Միրչա Լուչեսկուի թիմի երկրորդ գնդակը 49-րդ րոպեին խփեց Հայաստանի ազգային հավաքականի կիսապաշտպան Հենրիխ Մխիթարյանը, ով թարմացրեց Ուկրաինայի առաջնության ռմբարկուական ռեկորդը` այն հասցնելով 25 գնդակի:
Հայաստանի հավաքականի կիսապաշտպան Կառլեն Մկրտչյանը «Մետալուրգի» մեկնարկային կազմում խաղաց 77 րոպե, իսկ Գեւորգ Ղազարյանը հյուրերի փոխարինողների թվում էր: Հենրիխ Մխիթարյանը խաղաց առանց փոխարինման, իսկ խաղի վերջնամասում նաեւ գոլային փոխանցում կատարեց Էդուարդոյին: Հենրիխն առաջնությունն ավարտեց խփած 25 գոլով` ճանաչվելով լավագույն ռմբարկու:
«Շախտյորից» բացի, Չեմպիոնների լիգայի ուղեգիր է նվաճել նաեւ երկրորդ տեղը զբաղեցրած Խարկովի «Մետալիստը»: Բրոնզե մեդալակիր Կիեւի «Դինամոն», «Դնեպրը» եւ 5-րդ տեղը զբաղեցրած Դոնեցկի «Մետալուրգը» հաջորդ մրցաշրջանում իրենց ուժերը կփորձեն Եվրոպայի լիգայում: Զապորոժյեի «Մետալուրգը» եւ Ուժգորոդի «Գովերլան» դուրս մնացին բարձրագույն խմբից: «Գովերլայի» կազմում հանդես է գալիս Հայաստանի հավաքականի կիսապաշտպան Արթուր Եդիգարյանը:
Ուկրաինայի առաջնություն. 30-րդ տուր
«Շախտյոր» - «Մետալուրգ Դ.»` 4:0
Դուգլաս Կոստա, 24, Հենրիխ Մխիթարյան, 49, Թայսոն, 74, Էդուարդո, 87
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.