Դարիո Սրնա. Հենրիխ Մխիթարյանը չցանկացավ իրացնել 11 մետրանոցը
00:10 22 ապրիլի, 2013«Դնեպրի» դեմ խաղում ես Հենրիխ Մխիթարյանին խնդրեցի իրացնել 11 մետրանոցը, սակայն նա հրաժարվեց, հայտարարել է Դոնեցկի «Շախտյորի» ավագ Դարիո Սրնան: Ուկրաինայի առաջնության 25-րդ տուրի՝ «Դնեպր» - «Շախտյոր» (1:1) խաղից հետո խորվաթ պաշտպանը անդրադարձել է իր խփած գոլի դրվագին:
«Ես մի քանի խաղ է պատրաստ եմ 11 մետրանոց իրացնել, սակայն 11 մետրանոց չկար: Մարզիչն ասել էր, որ մենք խաղադաշտում որոշենք, թե ով է իրացնելու այն: Ես Հենրիխ Մխիթարյանին խնդրեցի իրացնել 11 մետրանոցը, սակայն նա հրաժարվեց: Արդյունքում ինձ մոտ լավ ստացվեց: Ես գիտեմ՝ ինչպես են անհանգստանում մեր երկրպագուներն՝ ուրախանալով մեզ հետ միասին: Նրանք շատ են սպասում, որ «Շախտյորը» չորրորդ տարին անընդմեջ կդառնա Ուկրաինայի չեմպիոն: Ես խոստանում եմ նրանց, որ «Դոնբաս Արենայում» կայանալիք հաջորդ խաղում մենք կփորձենք ապահովել չեմպիոնի տիտղոսը»,- Սրնայի խոսքը փոխանցում է «Շախտյորի» պաշտոնական կայքը:
Հիշեցնենք, որ ուկրաինական Պրեմյեր լիգայի ռմբարկուական ռեկորդը կրկնած Հենրիխ Մխիթարյանը 22 գոլ է խփել Ուկրաինայի ընթացիկ առաջնությունում: Եվս մեկ անգամ աչքի ընկնելու դեպքում Հայաստանի հավաքականի կիսապաշտպանն արդյունավետության ռեկորդ կսահմանի:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։