Հենրիխ Մխիթարյան. Բաց թողած գոլից հետո սկսեցինք ավելի լավ խաղալ
01:15 8 ապրիլի, 2013Մենք գիտակցում էինք «Դինամոյի» հետ խաղի կարեւորությունը եւ արեցինք ամեն բան՝ հաղթանակի հասնելու համար, հայտարարել է Դոնեցկի «Շախտյորի» ռմբարկու Հենրիխ Մխիթարյանը: Ուկրաինայի առաջնության 23-րդ տուրի՝ Կիեւի «Դինամոյի» հետ արտագնա խաղից հետո Հայաստանի հավաքականի կիսապաշտպանը կիսվել է տպավորություններով:
«Մեզ համար գլխավորը հաղթանակն էր: Արագ գոլ բաց թողեցինք, սակայն դրանից հետո սկսեցինք ավելի լավ խաղալ: Մի քանի իրական պահեր կորցրինք:
Ցանկանում եմ թիմակիցներիս շնորհավորել հաղթանակի կապակցությամբ, քանի որ սա հեշտ հաղթանակ չէր: Գիեինք, որ բարդ հանդիպում է սպասվում եւ կարող ենք գոլ բաց թողնել յուրաքանչյուր սխալի պատճառով: Գոլ բաց թողեցինք, սակայն կարողացանք խփել 2 գնդակ եւ հասնել հաջողության:
Այս խաղին տրամադրվելը դժվար չէր: Մենք գիտեինք, որ եթե մտածենք «Դինամոյի» նկատմամբ ունեցած 16 միավորի առավելության մասին, ապա կարող ենք անհաջող հանդես գալ: Միստերը շատ լավ էր նախապատրաստել մեզ: Մենք գիտակցում էինք այս խաղի կարեւորությունը եւ արեցինք ամեն բան՝ հաղթանակի հասնելու համար»,- ասել է Մխիթարյանը «2+2» հեռուսատաալիքի եթերում, փոխանցում է sports.ru-ն:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.