Ռամին Ազիզով. Արման Երեմյանը վճռական պահին պասիվ էր

Արման Երեմյանը վճռական պահին պասիվ էր, ես արժանի էի հաղթանակի, եւ մրցավարները ճիշտ որոշում են ընդունել, ասել է թաեքվոնդոյի Alexandria Open օլիմպիական վարկանիշային մրցաշարի ադրբեջանցի հաղթող Ռամին Ազիզովը` պատասխանելով Արման Երեմյանի մեղադրանքին, թե մրցավարները կողմնակալ որոշմամբ են հաղթանակը շնորհել Ազիզովին:

«Երեմյանը լավ մարտիկ է, Եվրոպայի առաջնության եւ Ունիվերսիադայի մրցանակակիր է: Այդ մենամարտում մրցակիցս լավ էր պատրաստված, բայց հաղթեցի ես: Մրցավարների կողմից ոչ մի օգնություն չի եղել: Արման Երեմյանը վճռական պահին պասիվ էր, ոչինչ չէր անում, ես արժանի էի հաղթանակի, եւ մրցավարները ճիշտ որոշում են ընդունել»,- ասել է Ռամին Ազիզովը azerisport-ին: