16:21 9 հունվարի, 2013Ֆուտբոլի Հայաստանի ազգային հավաքականի գլխավոր մարզիչ Վարդան Մինասյանը Կրասնոդարի «Կուբանի» նոր գլխավոր մարզիչի թեկնածուների թվում է եղել:
«Известия»-ն գրում է, որ Հայաստանի ֆուտբոլի ֆեդերացիան (ՀՖՖ) չի ցանկացել, որ Մինասյանը գլխավորի կրասնոդարյան ակումբը: ՀՖՖ-ն դեռ չի պլանավորում դադարեցնել համագործակցությունը Մինասյանի հետ եւ ցանկանում է, որ երիտասարդ մարզիչը ողջ ուշադրությունը սեւեռի Հայաստանի հավաքականի վրա:
Յուրի Կրասնոժանի հեռացումից հետո «Կուբանի» ղեկավարության համար առաջնային եւ ցանկալի տարբերակ է եղել Վարդան Մինասյանի նշանակումն ակումբի գլխավոր մարզիչի պաշտոնում, սակայն 38-ամյա մասնագետը հրաժարվել է՝ կատարելով ՀՖՖ-ի ղեկավարության պահանջը:
Հիշեցնենք, որ հունվարի 9-ին բելառուս մասնագետ Լեոնիդ Կուչուկը պաշտոնապես ներկայացվել էր Կրասնոդարի «Կուբանի» գլխավոր մարզիչի պաշտոնում:
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.