Հարի Քեյն․ Կլինի շատ ծանր ճակատամարտ
11:06 5 դեկտեմբերի, 2022Եվրոպայի փոխչեմպիոն Անգլիայի հավաքականի ավագ Հարի Քեյնը մեկնաբանել է 3:0 հաշվով հաղթանակը Աֆրիկայի չեմպիոն Սենեգալի թիմի նկատմամբ աշխարհի առաջնության 1/8 եզրափակիչում։
«Իսկապես ծանր հանդիպում էր, բայց դե փլեյ-օֆֆում այլ կերպ չէր կարող լինել։ Ամբողջ մրցաշարի ընթացքում մեր թիմը ցուցադրում է հասուն խաղ։ Հենց սկսզբից մեր տրամադրվածությունն ամենաբարձր մակարդակի վրա է։ Երեք գոլը այսպիսի խաղում շատ կարեւոր է։ Երեք խաղում անընդմեջ գոլ բաց չթողնելը նույնպես շատ կարեւոր է։
Իմ գոլի դրվագում գնդակը կատարյալ մատուցվեց ինձ։ Ես հարձակվող եմ եւ միշտ ուրախ եմ գոլ խփել։
Հիմա մեր թիմում փորձառության եւ երիտասարդության գերազանց համաձուլվածք կա։ Կվայելենք այս հաղթանակը, հետո կկենտրոնանանք Ֆրանսիայի դեմ խաղի վրա։ Կլինի շատ ծանր ճակատամարտ»,- Քեյնի խոսքը մեջբերում է BBC-ն։
1/8 եզրափակիչում աշխարհի չեմպիոն Ֆրանսիան 3:1 հաշվով պարտության է մատնել Լեհաստանին։ Քառորդ եզրափակիչի Անգլիա - Ֆրանսիա հանդիպումը տեղի կունենա դեկտեմբերի 10-ին եւ կմեկնարկի Երեւանի ժամանակով 23:00-ին։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.