Նեյմար․ Կազեմիրոն աշխարհի լավագույն կիսապաշտպանն է արդեն երկար ժամանակ

09:41   29 նոյեմբերի, 2022

Բրազիլիայի հավաքականի եւ Ֆրանսիայի չեմպիոն ՊՍԺ-ի հարձակվող Նեյմարը թվիթերյան գրառում է արել անգլիական «Մանչեսթեր Յունայթեդի» բրազիլացի հենակետային կիսապաշտպան Կազեմիրոյի մասին։

Աշխարհի առաջնության խմբային փուլի երկրորդ տուրի խաղում Բրազիլիան Կազեմիրոյի գոլի շնորհիվ նվազագույն հաշվով հաղթեց Շվեյցարիային եւ նվաճեց 1/8 եզրափակիչի ուղեգիր։

«Կազեմիրոն աշխարհի լավագույն կիսապաշտպանն է արդեն երկար ժամանակ»,- գրել է Նեյմարը, որը ոտնաթաթի վնասվածքի պատճառով բաց թողեց շվեյցարացիների դեմ խաղը։

Նրա վերադարձը խաղադաշտ սպասվում է փլեյ-օֆֆում։

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։