ԱԱ-2022․ Արգենտինայի սենսացիոն պարտությունը (ֆոտո, վիդեո)

Աշխարհի առաջնություններին 6-րդ անգամ մասնակցող Սաուդյան Արաբիայի հավաքականը սենսացիոն հաղթանակ տարավ Ամերիկայի գավաթակիր Արգենտինայի հավաքականի նկատմամբ։

Աշխարհի առաջնության խմբային փուլի առաջին տուրում Սաուդյան Արաբիայի թիմը 88 հազար հանդիսականների ներկայությամբ հասավ կամային հաղթանակի 2:1 հաշվով։

Խաղի հաշիվը 10-րդ րոպեին 11-մետրանոցից բացեց Ֆրանսիայի չեմպիոն ՊՍԺ-ի եւ Արգենտինայի հավաքականի 35-ամյա հարձակվող Լիոնել Մեսին, որը 5-րդ անգամ է մասնակցում աշխարհի առաջնության։

Առաջին խաղակեսում արգենտինացիների 3 գոլը չեղարկվեց խաղից դուրս վիճակի պատճառով։ Միայն մեկ դեպքում կիրառվեց VAR համակարգը։ Երկու անգամ մրցակցի դարպասը գրավեց Միլանի «Ինտերի» 25-ամյա հարձակվող Լաուտարո Մարտինեսը, մեկ անգամ՝ Մեսին (տեսանյութ)։

Առաջին խաղակեսում 0:1 հաշվով պարտվելուց հետո Սաուդյան Արաբիայի թիմը ֆրանսիացի գլխավոր մարզիչ Էրվե Ռենարի ղեկավարությամբ երկրորդ խաղակեսի սկզբնամասում 5 րոպեում երկու գոլ խփեց։

48-րդ րոպեին աչքի ընկավ Սաուդյան Արաբիայի «Ալ Հիլալ» ակումբի 29-ամյա հարձակվող Սալեհ Ալ Շեհրին (տեսանյութ), իսկ 53-րդ րոպեին՝ «Ալ Հիլալի» 31-ամյա կիսապաշտպան Սալեմ Ալ Դավսարին (տեսանյութ)։

C խմբի մյուս խաղում կմրցեն Մեքսիկայի եւ Լեհաստանի հավաքականները։ Այդ հանդիպումը կմեկնարկի Երեւանի ժամանակով 20:00-ին։

ԱԱ-2022. C խումբ, առաջին տուր

Արգենտինա - Սաուդյան Արաբիա՝ 1:2 

Լիոնել Մեսի, 10, 11մ - Սալեհ Ալ Շեհրի, 48, Սալեմ Ալ Դավսարի, 53

2006
2014
2018
2022

Messi becomes the first Argentinian to score in four World Cups! #FIFAWorldCup | #Qatar2022 pic.twitter.com/lKzewHhVkV

— FIFA World Cup (@FIFAWorldCup) November 22, 2022

The link-up between these two #ARG | #FIFAWorldCup pic.twitter.com/E9BALTj0Eb

— FIFA World Cup (@FIFAWorldCup) November 22, 2022

Al-Dawsari has turned this game on its head! #FIFAWorldCup | #Qatar2022

— FIFA World Cup (@FIFAWorldCup) November 22, 2022

Saudi Arabia beat Argentina. @adidasfootball | #FIFAWorldCup

— FIFA World Cup (@FIFAWorldCup) November 22, 2022