Մադրիդի «Ռեալի» երկու առաջատարներ, ֆրանսիացի հարձակվող Քարիմ Բենզեման ու խորվաթ կիսապաշտպան Լուկա Մոդրիչը, ամենայն հավանականությամբ, բաց կթողնեն հաջորդ հանդիպումն Իսպանիայի առաջնությունում։
34-րդ տուրում Կառլո Անչելոտիի գլխավորած թիմը կընդունի «Էսպանյոլին»։ Իտալացի մասնագետը չի ցանկանում ռիսկի դիմել Անգլիայի չեմպիոն «Մանչեսթեր Սիթիի» դեմ Չեմպիոնների լիգայի կիսաեզրափակիչի պատասխան հանդիպումից առաջ։
«Ռեալ» - «Էսպանյոլ» հանդիպումը տեղի կունենա ապրիլ 30-ին եւ կմեկնարկի Երեւանի ժամանակով 18։15-ին։ Չեմպիոնի տիտղոսն ապահովելու համար մադրիդյան թիմին անհրաժեշտ է 1 միավոր։
«Մանչեսթեր Սիթիի» հետ պատասխան հանդիպումը Մադրիդում տեղի կունենա մայիսի 4-ին։ Առաջին խաղում անգլիական թիմը տանը հաղթել է 4։3 հաշվով։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։