Կապառոս․ Վերլուծել ենք մրցակցի խաղը, սպասում ենք բարդ հանդիպում

21:45   28 մարտի, 2022

Ֆուտբոլի Հայաստանի ազգային հավաքականի իսպանացի գլխավոր մարզիչ Խոակին Կապառոսը նախախաղային ասուլիսում խոսել է սպասելիքներից Նորվեգիայի հավաքականի հետ առաջիկա ընկերական խաղում։

«Վերլուծել ենք Նորվեգիայի խաղը եւ մեր վերջին խաղը Չեռնոգորիայի հավաքականի հետ: Սպասում ենք բարդ հանդիպում, քանի որ Նորվեգիայի հավաքականը հիանալի թիմ է, որի կազմում երիտասարդ եւ տաղանդավոր ֆուտբոլիստներ են խաղում: Նրանց ֆեդերացիան շատ լավ է աշխատում։ Կարծում եմ՝ շուտով Նորվեգիայի թիմը համաշխարհային մակարդակում լուրջ դերակատարություն կունենա:

Այս ընկերական հանդիպումների նպատակը առաջիկա մրցակիցներին պատրաստվելն է։ Մեզ բաժին են հասել դժվար մրցակիցներ Ազգերի լիգայում:

Մենք հստակ պատկերացնում ենք մեր մեկնարկային կազմը, բայց  կարող են լինել փոփոխություններ, քանի որ ցանկանում ենք բոլորին տեսնել այսպիսի բարդ հանդիպումներում։

Հունիսին ունենք 4 հանդիպում, եւ բոլորը պետք  է այսպիսի փորձ ունենան, քանի որ ցանկանում ենք լավ խաղալ»,- նշել է Կապառոսը:

Նորվեգիա - Հայաստան ընկերական հանդիպումը տեղի կունենա մարտի 29-ին եւ կմեկնարկի Երեւանի ժամանակով 21։00-ին։



© 2022 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։