Օլիմպիական չեմպիոնուհի Յանա Եգորյանի հաստիքը վերականգնվել է
21:08 20 հոկտեմբերի, 2021Սուսերամարտի կրկնակի օլիմպիական չեմպիոնուհի Յանա Եգորյանի աշխատանքային հաստիքը Մոսկվայի մարզի Մարզական պատրաստության կենտրոնում վերականգնվել է։ Նրա աշխատանքային պայմանագիրն ավարտվել էր օգոստոսին եւ չէր երկարաձգվել։
«Ամեն ինչ լավ ավարտվեց, ինչի համար շատ ուրախ եմ։ Ես վերականգնվել եմ Մոսկվայի մարզի Մարզական պատրաստության կենտրոնում։ Կշարունակեմ ներկայացնել Մոսկվայի մարզն ու իմ հայրենի Խիմկի քաղաքը»,- Յանա Եգորյանի խոսքը մեջբերում է rsport.ria.ru-ն։
Յանա Եգորյանը սկսել է պատրաստվել 2024թ. Փարիզի Օլիմպիական խաղերին։
27-ամյա մարզուհին այս տարվա մայիսին մայր է դարձել։ Եգորյանը աշխարհի առաջնությունների կրկնակի ոսկե, արծաթե եւ բրոնզե մեդալակիր է, Եվրոպայի վեցակի չեմպիոն։
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.