Ալեքսանդր Գրիգորյանը դարձյալ գլխավորեց «Ալաշկերտը»
23:11 31 հուլիսի, 2021Ֆուտբոլի Հայաստանի չեմպիոն Երեւանի «Ալաշկերտի» գլխավոր մարզիչի պաշտոնում դարձյալ նշանակվել է Ալեքսանդր Գրիգորյանը։ Նա հուլիսի 22-ին էր խզել պայմանագիրը ակումբի հետ երկկողմանի համաձայնությամբ։ Մարզիչը ցանկություն էր հայտնել վերադառնալ Ռուսաստան կնոջ առողջական խնդիրների պատճառով:
«Մեծ ուրախությամբ ցանկանում ենք հայտնել, որ նախորդ օրերի ընթացքում բարելավվել է Ալեքսանդր Գրիգորյանի կնոջ առողջական վիճակը, ինչի շնորհիվ գլխավոր մարզիչը վերադարձել է Երևան և կշարունակի գլխավորել «Ալաշկերտը»»,- նշվում է ակումբի հաղորդագրությունում։
Հիշեցնենք, որ Ալեքսանդր Գրիգորյանը մայիսին էր գլխավորել «Ալաշկերտը»՝ փոխարինելով Աբրահամ Խաշմանյանին: Դրանից առաջ նա 2019-ից մինչև այս տարվա մարտը Երևանի «Ուրարտուի» գլխավոր մարզիչն էր:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։