ՈւԵՖԱ-ն Էրիկսենին, նրա կնոջը, ֆուտբոլիստի կյանքը փրկած բժիշկներին հրավիրել է Եվրո-2020-ի եզրափակիչին
23:04 6 հուլիսի, 2021ՈւԵՖԱ-ն Դանիայի հավաքականի եւ Իտալիայի չեմպիոն Միլանի «Ինտերի» կիսապաշտպան Կրիստիան Էրիկսենին, նրա կնոջը, ֆուտբոլիստի կյանքը փրկած վեց բժիշկներին հրավիրել է Եվրոպայի առաջնության եզրափակիչի խաղին, որը տեղի կունենա հուլիսի 11-ին Լոնդոնի «Ուեմբլի» ստադիոնում, հաղորդում է ESPN-ը։
Դանիայի հավաքականը հասել է կիսաեզրափակիչ եւ հուլիսի 7-ին «Ուեմբլիում» կմրցի անգլիացիների հետ։
Հիշեցնենք, որ Ֆինլանդիայի հավաքականի դեմ Եվրո-2020-ի B խմբի առաջին տուրի հանդիպման ժամանակ 29-ամյա ֆուտբոլիստը կորցրել էր գիտակցությունը և մոտ 20 րոպե խաղադաշտում բուժօգնություն ստանալուց հետո տեղափոխվել հիվանդանոց: Նրա սիրտը մի քանի վայրկյան կանգ էր առել:
Դանիայի մայրաքաղաք Կոպենհագենի «Պարկեն» ստադիոնում հունիսի 12-ին անցկացված հանդիպումը 42-րդ րոպեին դադարեցվել էր բժշկական նկատառումներով և վերսկսվել մոտ 2 ժամ անց:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։