Դանիայի հավաքականի և իտալական «Ինտերի» կիսապաշտպան Կրիստիան Էրիկսենն Ինստագրամում լուսանկար է հրապարակել հիվանդանոցից: Ֆինլանդիայի հավաքականի դեմ Եվրո-2020-ի B խմբի առաջին տուրի հանդիպման ժամանակ 29-ամյա ֆուտբոլիստը կորցրել էր գիտակցությունը և մոտ 20 րոպե խաղադաշտում բուժօգնություն ստանալուց հետո տեղափոխվել հիվանդանոց: Նրա սիրտը կանգ էր առել:
«Ողջույն բոլորին: Անչափ շնորհակալ եմ ձեր ջերմ խոսքերի ու հաղորդագրությունների համար: Դա շատ բան է նշանակում ինձ ու ընտանիքիս համար: Ինձ հետ ամեն բան կարգին է: Դեռ պետք է անցնեմ մի քանի հետազոտություններ, չնայած լավ եմ զգում ինձ: Հիմա ցանկանում եմ երկրպագել մեր տղաներին հաջորդ խաղերում: Խաղացեք ամբողջ Դանիայի համար: Լավագույն մաղթանքներով»,- լուսանկարին կից գրել է Էրիկսենը:
Հիշեցնենք, որ Դանիայի մայրաքաղաք Կոպենհագենի «Պարկեն» ստադիոնում հունիսի 12-ին անցկացված հանդիպումը 42-րդ րոպեին դադարեցվել էր բժշկական նկատառումներով և վերսկսվեց մոտ 2 ժամ անց: Խաղի վերսկսումից հետո Ֆինլանդիայի հավաքականի ֆուտբոլիստները դանիացի խաղացողներին խաղադաշտում դիմավորեցին ծափողջյուններով: Առաջին անգամ Եվրոպայի առաջնության եզրափակիչ փուլին մասնակցող Ֆինլանդիայի հավաքականն այդ խաղում հաղթել էր նվազագույն հաշվով:
View this post on Instagram
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։