Եվրո-2020․ Օրվա հանդիպումների անոնս
09:14 13 հունիսի, 2021Ֆուտբոլի Եվրոպայի առաջնության եզրափակիչ մրցաշարում հունիսի 13-ին կշարունակվի խմբային փուլի առաջին տուրը։
C խմբում ընդգրկված Ավստրիայի եւ Հյուսիսային Մակեդոնիայի թիմերը կմրցեն Ռումինիայի մայրաքաղաք Բուխարեստում։ Խմբի մյուս հանդիպումը կանցկացվի Նիդերլանդների մայրաքաղաք Ամստերդամում։ Հոլանդացիները կընդունեն Ուկրաինայի հավաքականին։
Մեկ հանդիպում էլ տեղի կունենա D խմբում։ Լոնդոնի «Ուեմբլի» ստադիոնում Անգլիայի հավաքականը կընդունի աշխարհի փոխչեմպիոն Խորվաթիայի թիմին։
Հիշեցնենք, որ Եվրո-2020-ի 6 խմբերից փլեյ-օֆֆի (1/8 եզրափակիչ) ուղեգիր կնվաճեն առաջին ու երկրորդ տեղերը գրաված հավաքականները, նաև երրորդ տեղը լավագույն արդյունքով զբաղեցրած 4 թիմեր:
Կորոնավիրուսի համավարակով պայմանավորված սահմանափակումների պատճառով Եվրո-2020-ի խաղերին ներկա են սահմանափակ թվով երկրպագուներ:
Եվրոպայի առաջնության եզրափակիչ մրցաշարն առաջին անգամ անցկացվում է 11 երկրների 11 քաղաքներում:
Եվրո-2020, խմբային փուլ, առաջին տուր
D խումբ
Անգլիա - Խորվաթիա՝ 17։00 (Երեւանի ժամանակ)
C խումբ
Ավստրիա - Հյուսիսային Մակեդոնիա՝ 20։00
Նիդերլանդներ - Ուկրաինա՝ 23։00
Կարդացեք նաև՝
Եվրո-2020. Ամենահամեստ C խումբը՝ Հոլանդիայով ու Հայաստանի ծանոթ մրցակցով
Եվրո-2020. D խումբը՝ աշխարհի փոխչեմպիոնով ու բրիտանական դերբիով
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.