Մ-23 ԵԱ. Արման Անդրեասյանը և Արման Ավագյանը՝ բրոնզե մեդալակիր

22:40   18 մայիսի, 2021

Հայաստանի ներկայացուցիչներ Արման Անդրեասյանը (70 կգ) և Արման Ավագյանը (79 կգ) բրոնզե մեդալակիր են դարձել Հյուսիսային Մակեդոնիայի մայրաքաղաք Սկոպյեում անցկացվող ազատ ոճի ըմբշամարտի Եվրոպայի մինչև 23 տարեկանների առաջնությունում:

Բրոնզե մեդալի համար գոտեմարտում Անդրեասյանը 3:2 հաշվով հաղթել է ուկրաինացի Դենիս Բորոհանին, իսկ Ավագյանն ուժեղ է գտնվել վրացի Գոգա Մամիաուրիից՝ 7:4:

Հիշեցնենք, որ մայիսի 18-ին պայքարի մեջ մտած Ռազմիկ Պապիկյանը (61 կգ) և Հրայր Ալիխանյանը (74 կգ) նվաճել են եզրափակիչի ուղեգիր: Մայիսի 19-ին Ռազմիկ Պապիկյանը եզրափակիչում կմրցի վրացի Թեիմուրազ Վանիշվիլիի հետ, իսկ Հրայր Ալիխանյանը ոսկե մեդալը կվիճարկի ռուս Չերմեն Վալիևի հետ:

7 ըմբիշով մրցավայր մեկնած Հայաստանի թիմի կազմում Սկոպյեում հանդես էին եկել նաև Հրաչյա Մարգարյանը (65 կգ), Կարեն Զուրաբյանը (57 կգ) և Հովհաննես Մաղաքյանը (125 կգ), որոնք հաջողության չեն հասել:

Հիշեցնենք, որ այս տարվա ապրիլին Լեհաստանի մայրաքաղաք Վարշավայում անցկացված մեծահասակների Եվրոպայի առաջնութունում Արման Անդրեասյանը դարձել էր  բրոնզե մեդալակիր՝ նվաճելով ազատ ոճի ըմբշամարտի Հայաստանի հավաքականի միակ մեդալը:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։