Արսեն Զախարյան. Ամեն ֆուտբոլիստի երազանքն է ընդգրկվել գլխավոր հավաքականում, առավել եւս այսպիսի մրցաշարի համար

20:52   11 մայիսի, 2021

Մոսկվայի «Դինամոյի» 17–ամյա կիսապաշտպան Արսեն Զախարյանը մեկնաբանել է Եվրոպայի առաջնության եզրափակիչ մրցաշարի համար Ռուսաստանի հավաքականի ընդլայնված կազմում իր ընդգրկվելը։

«Իհարկե, ամեն ֆուտբոլիստի երազանքն է ընդգրկվել գլխավոր հավաքականում, առավել եւս այսպիսի մրցաշարի համար։ Ես ունեցա ամենադրական հույզերը։ Անկեղծ ասած, նույնիսկ չէի մտածել, որ կարող եմ հրավեր ստանալ հավաքականից։

Կենտրոնացած էի բացառապես «Դինամոյում» իմ խաղի եւ մարզումների վրա։ Սա զարմանահրաշ իրադարձություն է իմ կյանքում։ Կձգտեմ իմ խաղով եւ գործի նկատմամբ իմ վերաբերմունքով ապացուցել, որ զուր չեն հավատացել իմ ուժերին»,– Զախարյանի խոսքը մեջբերում է championat.com-ը։

Ռուսաստանի ընթացիկ առաջնությունում Արսեն Զախարյանը մասնակցել է 12 հանդիպման, խփել 2 գոլ, կատարել 4 գոլային փոխանցում։

Այս տարվա մարտին Զախարյանը Ռուսաստանի մինչեւ 21 տարեկանների հավաքականի կազմում մասնակցում էր Եվրո-2021-ի եզրափակիչ մրցաշարին: Նա Ռուսաստանի երիտասարդական հավաքականի կազմում գոլի հեղինակ դարձած ամենաերիտասարդ ֆուտբոլիստն է: Իսլանդիայի Մ-21 հավաքականի դեմ խաղում հայ ֆուտբոլիստը ռեկորդը սահմանել էր 17 տարեկան, 27 օրականում:



© 2021 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։