Գերմանիայի չեմպիոնի տիտղոսը ժամանակից շուտ ապահոված Մյունխենի «Բավարիան» Բունդեսլիգայի 32-րդ տուրում ընդունեց Մյոնխենգլադբախի «Բորուսիային» և խփեց 6 անպատասխան գոլ: Մյունխենցիների կազմում հեթ-տրիկի հեղինակ դարձավ լեհ հարձակվող Ռոբերտ Լևանդովսկին, որը 39 գոլով միանձնյա գլխավորում է ռմբարկուների ցուցակը: 6-րդ գոլը դաշտի տերերը խփեցին 10 խաղացողներով մնալուց հետո:
Առաջնության ավարտից 2 տուր առաջ «Բավարիան» ունի 74 միավոր և 10 միավոր առաջ է երկրորդ տեղում գտնվող «Լայպցիգից», որը մայիսի 8-ին 2:3 հաշվով պարտվել էր Դորտմունդի «Բորուսիային» և զրկվել առաջատարին հասնելու հնարավորությունից:
«Բավարիան» 31-րդ անգամ է դառնում Գերմանիայի չեմպիոն: Մյունխենցիները 9-րդ տարին անընդմեջ նվաճեցին չեմպիոնի տիտղոսը և Եվրոպայի թոփ-5 լիգաներում այդ ցուցանիշով կրկնեցին Թուրինի «Յուվենտուսի» ռեկորդը:
Գերմանիայի առաջնություն, 32-րդ տուր
«Բավարիա» - «Բորուսիա Մ.»՝ 6:0 (տեսանյութ)
Ռոբերտ Լևանդովսկի, 2, 34, 66, Թոմաս Մյուլեր, 23, Կինգսլի Կոման, 44, Լերոյ Սանե, 85
Հեռացում՝ Տանգի Նիանզու, 75 («Բավարիա»)
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։