Էվանդեր Հոլիֆիլդը կմենամարտի Մայք Թայսոնին հաղթած բռնցքամարտիկի հետ

Պրոֆեսիոնալ բռնցքամարտի 2 քաշային կարգերում աշխարհի նախկին չեմպիոն Էվանդեր Հոլիֆիլդը հաջորդ մենամարտը կանցկացնի հունիսի 5-ին, հայտնում է Boxing Scene-ը:

58-ամյա ամերիկացին ցուցադրական մենամարտ կանցկացնի Կևին Մաքբրայդի հետ, որը ծանր քաշային կարգում աշխարհի նախկին բացարձակ չեմպիոն Մայք Թայսոնին հաղթած վերջին բռնցքամարտիկն է: 47-ամյա իռլանդացին Թայսոնին հաղթել է 2005-ին:

Բռնցքամարտիկները կանցկացնեն 8 ռաունդ, յուրաքանչյուրը՝ 2 րոպե: Նրանք հանդես կգան առանց պաշտպանիչ սաղավարտի:

Ավելի վաղ հայտնի էր դարձել, որ Մայք Թայսոնը հրաժարվել է 25 միլիոն դոլարի դիմաց մենամարտել Էվանդեր Հոլիֆիլդի հետ: