Արսեն Զախարյանը՝ Ռուսաստանի երիտասարդական հավաքականում գոլի ամենաերիտասարդ հեղինակ
09:09 26 մարտի, 2021Մոսկվայի «Դինամոյի» կիսապաշտպան Արսեն Զախարյանը Ռուսաստանի մինչեւ 21 տարեկանների հավաքականի կազմում գոլի հեղինակ դարձած ամենաերիտասարդ ֆուտբոլիստն է, հայտնում է Transfermarkt-ը:
Եվրո-2021-ի եզրափակիչ մրցաշարի խմբային փուլի առաջին տուրում Ռուսաստանի թիմը 4:1 հաշվով հաղթել էր Իսլանդիայի Մ-21 հավաքականին, իսկ մեկնարկային կազմում հանդես եկած Արսեն Զախարյանն աչքի էր ընկել առաջին խաղակեսի վերջնամասում: Հայ ֆուտբոլիստը ռեկորդը սահմանել է 17 տարեկան, 27 օրականում:
Մինչև այս Ռուսաստանի երիտասարդական հավաքականի կազմում գոլի ամենաերիտասարդ հեղինակն էր Ֆյոդոր Սմոլովը, որն աչքի էր ընկել 18 տարեկան 17 օրականում:
Հիշեցնենք, որ Ռուսաստանի երիտասարդական հավաքականի կազմում խաղացել էր նաև Մոսկվայի ԲԿՄԱ-ի 21-ամյա կիսապաշտպան Նաիր Տիկնիզյանը, որը ևս դարձել էր գոլի հեղինակ:
© 2026 NEWS.am - Sport
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.