00:27 19 մարտի, 2021Լոնդոնի «Տոտենհեմը» չկարողացավ հաղթահարել ֆուտբոլի Եվրոպայի լիգայի 1/8 եզրափակիչի արգելքը:
Պատասխան խաղում Ժոզե Մոուրինյոյի գլխավորած թիմը լրացուցիչ ժամանակում 0:3 հաշվով պարտվեց Զագրեբի «Դինամոյին» և լքեց պայքարը:
Առաջին խաղում 2:0 հաշվով հաղթել էր անգլիական ակումբը, իսկ Զագրեբում տեղի ունեցած պատասխան մրցավեճում նույն հաշվով ուժեղ գտնվեց Խորվաթիայի չեմպիոնը: Հանդիպումը տեղափոխվեց լրացուցիչ ժամանակ, որտեղ դաշտի տերերը խփեցին ևս մեկ գոլ: «Դինամոյի» կազմում հեթ-տրիկի հեղինակ դարձավ խորվաթ հարձակվող Միսլավ Օրշիչը:
Ավելի վաղ Եվրոպայի լիգայի քառորդ եզրափակիչի ուղեգիր էին նվաճել նաև իտալական «Ռոման», անգլիական «Արսենալը» և իսպանական «Գրանադան»: Վիճակահանությունը տեղի կունենա մարտի 19-ին:
Եվրոպայի լիգա, 1/8 եզրափակիչ, պատասխան հանդիպում
«Դինամո Զագրեբ» (Խորվաթիա) - «Տոտենհեմ» (Անգլիա)՝ 3:0 (առաջին հանդիպում՝ 0:2) (տեսանյութ)
Միսլավ Օրշիչ, 62, 83, 106
The copyright for information published on this web site is owned exclusively by Armenian News-NEWS.am information-analytical agency. All information materials published on this website are intended solely for personal use. For full or partial reproduction of any material in other media it is required to acquire written permission from Armenian News-NEWS.am information-analytical agency. Those, who have committed copyright violations, will be prosecuted accordingly.