Բունդեսլիգայի 2 ակումբներ ունեն նոր գլխավոր մարզիչ (ֆոտո)

12:10   3 մարտի, 2021

Գելզենկիրխենի «Շալկեի» գլխավոր մարզիչ է նշանակվել հույն մասնագետ Դիմիտրիոս Գրամոսը, hաղորդում է ակումբի մամուլի ծառայությունը:

42-ամյա մարզիչի պայմանագիրը նախատեսված է մինչև 2022 թվականի ամառ: Նա կփոխարինի Կրիստիան Գրոսին, որը «Շալկեից» հեռացվել էր Գերմանիայի առաջնության 23-րդ տուրում «Շտուտգարտից» կրած 1։5 հաշվով պարտությունից հետո:

Դիմիտրիոս Գրամոսը նախկինում գլխավորել է նաև գերմանական «Բոխումը» և «Դարմշտադտը»:

«Արմինիան» նույնպես ունի նոր գլխավոր մարզիչ: Պաշտոնանկ արված Ուվե Նոյհաուսին փոխարինել է Ֆրենկ Կրամերը: Մինչև այս 48-ամյա գերմանացի մասնագետը գլխավորում էր ավստրիական «Զալցբուրգի» երիտասարդական թիմը: Նրա պայմանագիրը նախատեսված է մինչև 2023-ի ամառ:

Գերմանիայի Բունդեսլիգայի 22-րդ տուրից հետո «Արմինիան» 18 միավորով 16-րդ տեղում է, իսկ «Շալկեն» եզրափակում է Բունդեսլիգայի մրցաշարային աղյուսակը՝ 9 միավոր:



© 2024 NEWS.am - Sport

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։